Чаллыдан хәрбиләргә чираттагы гуманитар ярдәм машинасы җибәрелде

Чаллыдан махсус хәрби операция баручы җирлеккә чираттагы гуманитар ярдәм машинасы җибәрелде. Ул азык-төлек, медикаментлар һәм башка көнкүреш кирәк-яраклары белән тулы. Авырлыгы – 20 тонна. Солдатларга кирәк-яракларны йөк ташучылар, “Логистика” һәм Татарстан автотранспортчылары ассоциациясе әзерләде. 

Башкарма комитет җитәкчесе Фәрид Сәлахов: “Без бер зур һәм дус гаилә сыман, яхшы гамәлләр кылырга күнеккән. Шунысы сөендерә: битараф булмаган кешеләр үзләре килеп ярдәм итәргә теләктәшлек белдерәләр. Бу кешеләрнең чын күңеленнән ярдәм итүләрен күрсәтә”, - ди. 

Чаллы хакимиятенең матбугат хезмәте фотолары