Чаллының 4нче микрорайонында халыкны җыйдылар

Сәбәбе җитди. "Гренада 4,5" җирле иҗтимагый үзидарәсе якынлашып килүче Җиңү көне уңаеннан зур бәйрәм оештырды. Комплекста яшәүчеләрнең һәммәсе  чакырулы иде. Аеруча игътибар үзәгендә сугыш һәм тыл ветераннары булды. Бөек җиңүгә 78 ел тулу белән Үзәк район башлыгы Эдуард Фәттахов котлады, иң изге теләкләрен җиткерде. Мәктәп укучылары, балалар бакчасына йөрүче сабыйлар концерт куйды. Әлеге чарада Георгий тасмалары да тараттылар.