Чаллының яшь футболчылары Татарстан данын якларга бара

Чаллының «Псы 56» командасы — Республика этабы җиңүчеләре, мәктәп футбол лигасының бөтенроссия этабында Татарстан данын яклаячак. Ярышлар 9–13 сентябрьдә Мәскәү шәһәренең «Лужники» олимпия комплексы аренасында уза. 

Башкалага команданың тренеры Виктор Полуянов җитәкчелегендәге 8 уенчы барачак.

7 сентябрьдә  Мәктәп футбол лигасы Президенты Эдуард Фәттахов аларга Россия Герое Сергей Чебнев исемендәге  56 нчы мәктәптә курткалар тапшырды.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).