Чаллы полициясе арбалет белән йөрүдә җинаять составын тапмаган

Кичә Яр Чаллы урамнары буйлап арбалет белән йөргән ир-ат турында язган идек. Бүген бу эшнең кайбер нечкәлекләре билгеле булды.  
Исегезгә төшерәбез, аны видеода шаһитлар теркәгән, күрәсең, алар полиция хезмәткәрләрен чакырткан да инде. Узып баручылар фикеренчә, ул аек булмаган. Полиция хезмәткәрләре аны бүлеккә китергәннәр, ул бернинди каршылык да күрсәтмәгән.
Ачыкланганча, ир-ат арбалет сатып алган һәм урам буйлап барган. Хокук саклаучылар аның гамәлләрендә хокукка каршы берни дә тапмаган.