Чаллы спортчылары Россия чемпионатында медальләр яулады

20-22 апрельдә Казанда Су спорты төрләре сараенда синхрон йөзү буенча Россия чемпионаты узды. Шәһәребезнең "Дельфин" олимпия резервы спорт мәктәбендә тәрбияләнүчеләр Татарстан Республикасының җыелма командасы составында 4 комплект бронза медаль яулады. «Төркем» олимпия дисциплинасында  3 нче урынга Елизавета Захара, Виктория Малышева, Александра Лямасова, Валерия Попова, Аделина Сәгыйтова, Аделя Сәрвәрова, Карина Севрюгина, Диана Хәбибуллина, Олеся Архипова, Анна Гордеева, Галина Лучшева, Алина Тихомирова лаек булдылар. «Дуэт» олимпия дисциплинасында Аделина Сәгыйтова белән Валерия Попова 3 нче урынны яулады. Алина Тихомирова белән Артур Коршунов «Катнаш дуэтларда» 3 нче урын алдылар. Аларны ярышларга тренер Юлия Белоглазова әзерләде.