Чаллы спортчыларына синхрон йөзү буенча «Россия спорт мастеры» исемнәре бирелде

Валерия Попова, Виктория Малышева, Александра Лямасова, Эльвина Сәгыйтова, Аделина Сәгыйтова, Карина Севрюгина әлеге югары исемгә лаек булдылар.
Кызларны истәлекле вакыйга белән Чаллы мэры урынбасары Ирина Сәгыйдуллина, Татарстан Республикасы җыелма командасының резерв буенча өлкән тренеры Юлия Белоглазова, «Дельфин» олимпия резервы спорт мәктәбе директоры Айдар Габдрахманов һәм «Дельфин» спорт мәктәбе директоры урынбасары Елена Васильева котлады.
Искәртеп үтәбез, «Дельфин» спорт мәктәбенең барлык спортчылары да Татарстан Республикасы җыелма командасының синхрон йөзү буенча төп составына керә. Хәзерге вакытта команда Пенза шәһәрендә үткәреләчәк яшьләрнең 5нче җәйге спартакиадасында катнышырга әзерләнә. Спортчылар актив шөгыльләнәләр.

Фото: http://nabchelny.ru