Кичә, 10 сәгать 20 минутта, Яр Чаллы шәһәренең ЮХИДИ хезмәтенә Тукай районы Шилнәбаш авылына борылышта М-7 трассасында фаҗига булды дигән хәбәр килә.
“Хундай Солярис” автомобиле каршы як полосага чыгып, “Газель Валдай” машинасы белән бәрелешә.
Нәтиҗәдә “Хундай” автомобилен йөртүче 39 яшьлек ханым, аның 14 яшьлек улы, 3 яшьлек кызы төрле дәрәҗәдәге тән җәрәхәтләре белән Чаллы шәһәренең ашыгыч медицина ярдәм күрсәтү хастаханәсенә озатыла. Хатын-кызның реанимациядә булуы мәгълүм. “Газель Валдай” машинасы йөртүчесен дә хастаханә табиблары карый. Ә ханымның 11 яшьлек улы урында ук үлә. Юл-транспорт һәлакәте шартлары ачыклана.
Фото: ТР Прокуратурасы
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев