Чаллыда "Белая Ладья" турниры узды

28 очкодан 25 очко белән Чаллы шәһәренең 26 нчы гимназиясе җыелма командасы җиңде (Леонид Ефимов, Эдуард Шәрипов, Тимофей Григорьев, Альмира Муллина; тренерлары – Эдуард Ашиев). Җыелма команда июнь башында Краснодар краенда узачак "Белая ладья" Бөтенроссия этабында катнашу хокукын яулады.

20½ очко белән икенче урында Актанышның 2 нче урта мәктәбе (Данияр Латыйпов, Рәзилә Нәбиева, Наил Әхмәтов, Раяна Латыйпова).

Өченче урында Чаллыдан 41 нче мәктәп командасы (Елизавета Сироткина, Айгөл Алишева, Данис Шакиров, Алисә Сәрварова). Алар 19½ очко җыйган.

Беренче тактада Леонид Ефимов җиңде (7 очкодан 5½ очко белән, Яр Чаллы шәһәренең 26 нчы гимназиясе), икенче урында шул ук сандагы очко белән Данияр Латыйпов (Актанышның 2 нче мәктәбе), өченчедә – Елизавета Мальцева (Бөгелмә шәһәренең 2 нче лицее).

Икенче такта турнирында Эдуард Шәрипов (6 очко, Чаллы шәһәренең 26 нчы гимназиясе) җиңде, өстәмә күрсәткечләр буенча икенче урында Айгөл Алишева (Чаллы шәһәренең 41 нче мәктәбе) калды, өченче урында – Роман Павлов (Түбән Кама шәһәренең 10 нчы мәктәбе, 4½ очко).

Өченче тактада турнирның иң яхшы нәтиҗәләре белән (7 очко) Тимофей Григорьев (Чаллы шәһәренең 26 нчы гимназиясе) җиңү яулады, Наил Әхмәтов (Актанышның 2 нче мәктәбе) 5½ очко җыйды һәм икенче урында урнашты, 5 очко белән өченче урында – Данис Шакиров (Чаллы шәһәренең 41 нче мәктәбе).

Кызлар тактасында 6½ очко белән Альмира Муллина (Чаллы шәһәренең 26 нчы гимназиясе) җиңде, икенче урында – Яна Лебедева (5½, Бөгелмә шәһәренең 2 нче лицее), өченчедә 5 очко белән Раяна Латыйпова (Актанышның 2 нче мәктәбе).

Өстәмә программа кысаларында шахмат композицияләрен чишү конкурсы һәм халыкара оста Камил Кичубаев сеансы узды.

Карар бәйгесендә Тимофей Григорьев җиңде, икенче урында – Яков Баннов (икесе дә  Чаллыдан), өченче урында – Ансель Вәлитов (Баулы).

Бер үк вакытта уйнау сеансы "коры" 13:0 исәбе белән сеансёр файдасына тәмамланды.

"Белая Ладья" блицтурниры – "Лига Блиц - Чаллы" 7 нче этабы 27 февральдә узды. ФИДЕ мастеры Артем Нәгыймов җиңде (11 очкодан 9½ белән). 8 очко белән икенче урында – Роберт Струков (икесе дә Чаллыдан). Өченче урында – Данияр Латыйпов (Актаныш).

8 партиянең онлайн-трансляциясе оештырылган иде.

Март ахырында Чаллы ир-атлар һәм хатын-кызлар арасында Идел буе федераль округы чемпионатларын кабул итәргә әзерләнә.

http://nabchelny.ru/