Чаллыда массакүләм һәлакәттә дүрт кеше зыян күргән

Чаллыда массакүләм һәлакәттә дүрт кеше зыян күргән. Бу турыда юл-транспорт һәлакәте шаһитлары хәбәр итә.
Беренчел мәгълүматлар буенча бүген 17.00 сәгать тирәсендә Яңа шәһәр урамындагы 56/13 йорт янында берьюлы биш машина бәрелешкән. Бәрелешү аркасында бер машина юл кырыена чыгып киткән. Барлык машиналар да җитди зыян күргән.
Юл-транспорт шаһитлары хәбәр иткәнчә, һәлакәттә дүрт кеше төрле җәрәхәтләр алган. Һәлакәт килеп чыгу сәбәпләре ачыклана.

https://tatar-inform.tatar/news/2019/04/12/184424/