Чаллының өлкән сыйныф укучылары вузда уку өчен 100 мең сум күләмендә еллык стипендия өчен көрәшә алалар

Быел төп приз — еллык стипендия суммасы 1,5 тапкырга диярлек арткан. Унберенче сыйныф укучылары арасында биш җиңүченең һәркайсы вузның беренче курсында укыган вакытта 100 мең сум күләмендә ярдәм алачак.  
«Я Решаю!» конкурсында бөтен Россиядән (Санкт-Петербургтан һәм Мәскәүдән кала), шулай ук якын һәм ерак чит илләрдән 9-11 сыйныф укучылары катнаша ала. Ярышлар өч этапта узачак:ике онлайн-тур һәм финал. Конкурста катнашу бушлай.
Татарстан укучыларының«Я Решаю!» конкурсында күп тапкыр призлы урыннарга ирешкәннәре булды. Берьюлы дүрт өлкән сыйныф укучысы 2018 һәм 2019 елларда җиңүчеләр унлыгына керде – алар «131 нче лицей», «7 нче гимназия» һәм «Н. И. Лобачевский исемендәге Казан лицее», шулай ук Яр Чаллы шәһәренең 26 нчы гимназиясе укучылары. Мондый нәтиҗәләрне конкурс тарихында Россиянең тагын бер төбәге дә күрсәтмәде.
Быел конкурсның беренче сайлап алу туры 8 ноябрьгә кадәр дәвам итәчәк, анда катнашу өчен мәктәп укучыларына конкурсның рәсми сайтында теркәлергә һәм беренче этапның дистанцион биремнәрен чишәргә кирәк. 1 000 катнашучы киләсе турга узачак, ул 2021 елның 16 ноябреннән 1 декабренә кадәр узачак. 2022 елның 29 гыйнварында йомгаклау турында 30 финалист көч сынашачак, ә инде икенче көнне үк 10 җиңүченең исемнәре аталачак.
«Я Решаю!»  конкурсының төп призы - исемле еллык стипендияләр. Аларны GSGroup җиңгән биш унберенче сыйныф укучысының һәркайсына ай саен 15 000 сум күләмендә 2022 елның сентябреннән 2023 елның маена кадәр конкурс шартларында каралган Россия инновацион базарларында ихтыяҗ булган техник белгечлекләр юнәлешләре буенча югары уку йортына кергәндә түлиячәк. Юнәлешләр арасында - «Мәгълүмати технологияләр», «Гамәли математика һәм физика»,«Электроника һәм микроэлектроника»,«Радиотехника»,«Телекоммуникацияләр»,«Наноматериаллар» һ.б. 9 һәм 10 сыйныф укучылары арасыннан җиңүчеләргә укуда кирәкле электрон техника һәм имтихансыз Санкт-Петербургтагы 239нчы Президент физика-математика лицеена укырга керү мөмкинлеге бирелә.  
2020 елда конкурска Россия Федерациясенең 82 төбәгеннән һәм 8 якын һәм ерак чит илдән - Кыргызстан, Үзбәкстан, Белоруссия, Казахстан, Украина, Әзербайҗан, Төркмәнстан, Һиндстаннан 6000нән артык 9 һәм 10 сыйныф укучылары теркәлгән.
Конкурсны уздыру тарихында Россиянең барлык төбәкләреннән һәм Евразиянең 17 иленнән 29 меңнән артык мәктәп укучысы катнашты. Конкурсның 32 җиңүчесе илнең алдынгы югары уку йортларына керде һәм GS Group стипендиясен алды. Беренче җиңүчеләр инде илебез сәнәгатенең инновацион тармакларында эшли.
Контактлар: Вера Несмашная, v.nesmashnaya@spb.gs.ru, тел.: +7 (812) 332-86-68 (доб. 0403),
Кәрәзле телефон: +7 (911) 187-84-24

http://nabchelny.ru/