Яңалыклар тасмасы
Чаллының Шамил Усманов урамындагы юл участогын төзекләндерү 64%ка үтәлгән
Чаллыда «Имин һәм сыйфатлы автомобиль юллары» федераль программасы кысаларында эшләр дәвам итә. Шамил Усманов урамындагы юл участогын ремонтлау 64%ка үтәлгән. Бу хакта иртәнге киңәшмә вакытында башкарма комитет җитәкчесенең беренче урынбасары Илья Зуев хәбәр итте.
«Без 1,5 км автомобиль юлын ремонтлыйбыз, 350 машина урыны төзекләндерәбез, 205 яңа юл билгесе, 10 ясалма тигезсезлек һәм 45 тышкы яктырту терәге урнаштырабыз. Контракт буенча әлеге эшләрне без 12 октябрьдә тәмамларга тиеш, әмма бурыч юлның бу участогын 30 августка, Татарстан Республикасы көненә ремонтларга тиеш», - диде ул.
Фото: http://nabchelny.ru/
Следите за самым важным и интересным в Telegram-каналеТатмедиа
Нет комментариев