Чигү машинасы да, акча да юк

ЗЯБ бистәсендә яшәүче 39 яшьлек шәһәрдәшебез сату-алу өчен популяр булган интернет-сервистан чигү машинасы  алмакчы була.  Сатучы белән сөйләшкәннән соң, шул ук көнне,  ир-ат күрсәтелгән хисапка 98 мең сум күчерә, әмма машина иясенә килеп җитми. Сатучы килешү шартларын үтәмичә сайттан юкка чыккан, зыян күрүче полициягә мөрәҗәгать иткән. Хәзерге вакытта алдаган сатучыны ачыклау буенча оператив чаралар үткәрелә.