COVID-19 га тест тапшырыр алдыннан нәрсә эшләргә

Россия вирусологлары коронавируска тестның ялгыш нәтиҗәсен киметү өчен нинди кагыйдәләрне үтәргә кирәклеге турында сөйләде. Бу хакта “Известия” басмасы хәбәр итә.
Әйтик, тест алдыннан ашарга, авызны антисептик белән чайкатырга ярамый, дип сөйләгән югары категорияле терапевт Татьяна Романенко. Бу кагыйдәне үтәмәгән очракта нәтиҗә ялган булачак.
Шулай ук, белгеч борыннан мазок алганчы пациент сеңгергән борын куышлыгын юган булса, мәгълүмат дөрес булмаска мөмкин, дип аныклады.
COVID-19 тестының ялган нәтиҗәсенә пациентның башка гамәлләре дә китерергә мөмкин. РУДН йогышлы авырулар кафедрасы мөдире Галина Кожевникова билгеләп үткәнчә, анализга өч сәгать кала кеше эчәргә дә, тешләрне чистартырга да, тәмәке тартырга да тиеш түгел.