Данир Сабиров төркемендә бәхетсезлек

Татарстанның атказанган артисты Данир Сабировның Башкортостанда гастрольләре дәвам итә. Красноусольскийдагы концерт алдыннан көтелмәгән хәл килеп чыккан. Мәдәният йортына кергәндә баскычта егылып баянчы Роберт аягын сындырган. Аны ашыгыч ярдәм хезмәте хастаханәгә алып киткән.

«Ярый әле, биюче аягын авырттырмаган. Робертның безгә кулы гына кирәк дип, аягын да баса алмаган Робертны тәгәрмәчле тартмага утыртып сәхнәгә алып чыктык. Утырып кына уйный бәгырькәем», – ди Данир Сабиров.

Ул үзенең дә чирле килеш чыгыш ясавын искә төшергән.

«Нишлисең инде, эшебез шул. Сәхнә дип янып яшибез. Үзем дә бил үзәккә тиеп авырткан чакларда да, бәхетле кыяфәт ясап, биегән булам», – ди ул.