Дубайдан 1,1 млн сумлык алтын алып кайтмакчы булганнар

Чаллыда яшәүче ике кеше Дубайдан 1,1 млн сумлык алтын бизәнү әйберләре алып кайтмакчы булган.
Аларны Россия Федераль иминлек хезмәтенең Татарстан буенча идарәсе вәкилләре тоткарлый. 
32 яшьлек хатын-кыз һәм 35 яшьлек ир-ат Дубайда алтын бизәнү әйберләре сатып алган. 
Кайтканда алар декларацияләнергә тиешле товарлары булмаган пассажирлар өчен каралган «яшел коридор» аша үтәргә тырышканнар. Әмма аларны таможня тикшерүен үткәрүчеләр тоткан.
Экспертлар бизәү әйберләренең 750 пробалы алтыннан эшләнгәнлеген ачыклаган.
Әлеге факт буенча җинаять эше кузгатылган. Ювелир әйберләре алынган. 

Аларның гаебе расланса ир белән хатынга  5-7 ел ирегеннән мәхрүм ителү яный. Моның өстенә алрга 1 млн сум штраф салынырга да мөмкин.