Эскалаторда баланың кулы өзелгән

Кечкенә малайның кулы эскалаторга эләгеп өзелгән. Әлеге хәл Екатеринбургтагы сәүдә үзәгендә була. Вакыйганың шаһитлары РЕН ТВ журналистларына бала кычкырган тавышлар ишетүләрен сөйләгән.  Алар тиз арада беренче ярдәм күрсәтү өчен жгут, бинт, перекись, аммиак алып килә. Табиблар килеп өзелгән кулны бозга салып куялар, баланы хастаханәгә алып китәләр. Хәзер медицина хезмәткәрләре аның гомере өчен көрәшә.