Гаражда газ шартлау буенча җинаять эше туктатылды

Чит ил гражданнары зыян күргән "Гудок" гараж-төзелеш кооперативында гадәттән тыш хәлдән соң кузгатылган җинаять эше, нигезләр булмау сәбәпле, туктатылган. Прокуратура хәбәр итүенчә, ир-атлар гаражда бинаны җылыту өчен газ конфоркасын кабызганнар, аннары азык-төлек алу өчен кибеткә киткәннәр. кайткач утны кабызганнар - нәтиҗәдә шартлау барлыкка килгән.

Шулай итеп, зыян күрүчеләр газ плитәсендә азык әзерләгәннәр дигән беренчел версия расланмады. Гаражның шәхси эшмәкәрнеке булуы билгеле.

Шартлаудан соң тикшерү комитеты гаражда куркынычсызлык таләпләренә җавап бирмәгән хезмәтләр күрсәтү маддәсе буенча җинаять эше кузгатты. Зыян күрүчеләр 25 яшьтән 30 яшькә кадәрге биш  чит ил гражданы булган. Алар мөстәкыйль рәвештә медицина учреждениесенә ярдәм сорап мөрәҗәгать иткәннәр. Аларның икесе авыр хәлдә шок залына урнаштырылды. Башкаларга кабул итү бүлмәсендә тикшерү уздырдылар.