Ял көнне 2 градус салкын була: җылыту сезоны дәвам итә

Чаллы мэры Наил Мәһдиев дүшәмбе киңәшмәсендә җылыту сезонын тәмамларга иртә икәнен искәртте.
«Иртәгә 12 градус, аннары 16 градус җылы була. Ял көнне 2 градус салкын көтелә. Шуңа күрә җылыту сезонын дәвам итәбез. Апрель ахырында карарбыз», – диде ул.
Ул быелгы җылыту сезоны дәвам итүгә карамастан, яңа сезонга әзерлекне башларга һәм торак фондын капитал ремонтлау эшен дәвам итәргә киңәш итте. 
Быел Чаллыда 69 йорт капиталь ремонтлана.