Җиденче сыйныф укучысы яшьтәшен пычак белән яралады

Пермь өлкәсендә җиденче сыйныф укучысы яшьтәшен пычак белән яралады. Яраланган укучыны авыр хәлдә хастаханәгә озаталар. «Бүген Александровскийның беренче мәктәбендә фаҗига булды.  Зыян күргән баланың хәле авыр дип бәяләнә. Аны Березники шәһәренә озатырга җыеналар. Пермьнән анестизиологлар һәм торакаль хиругтан торган төркем белән санавиация  чыга. Баланың гомерен саклап калу өчен мөмкин булганның барсын да эшлибез», – ди губернатор Дмитрий Махонин. 
Белгечләр укучыларга психологик ярдәм күрсәтә. 
Урында хокук саклау органнары хезмәткәрләре эшли.