Илһам Шакиров исемендәге республика премиясе турында «Татар-информ»да сөйләшәчәкләр

Бүген, 9 февральдә, 10:00 сәгатьтә «Татар-информ»да Илһам Шакиров исемендәге республика премиясе тапшыруга багышланган матбугат конференциясе булачак.

Чарада Татарстан Республикасы мәдәният министры урынбасары Дамир Натфуллин, Габдулла Тукай исемендәге татар дәүләт филармониясе директоры Кадыйм Нуруллин, Габдулла Тукай исемендәге татар дәүләт филармониясенең сәнгать җитәкчесе, Татарстан Республикасы фольклор музыкасы дәүләт ансамбленең сәнгать җитәкчесе Айдар Фәйзрахманов катнашачак.

«Татар-информ» сайтында түгәрәк өстәл утырышыннан онлайн трансляция оештырылачак. Сорауларны онлайн-видеога комментарий аркылы яисә WhatsApp мессенджеры аша +7 (927) 037-91-10 номерына юлларга мөмкин. Массакүләм мәгълүмат чарасының исемен күрсәтү сорала.

Аккредитация өчен электрон почта: pr@tatar-inform.ru.

Чыганак:Татар-информ