Иртәгә юлларда бозлавык булу ихтималы зур

17 ноябрьдә Татарстанның кайбер районнарында җепшек кар, яңгыр ява. Синоптиклар фаразынча, яңгыр бозга әйләнеп электр чыбыкларын өзәргә мөмкин.

Температура көндез - 2 градус, төнлә -4, -9 градус булыр дип фаразлана. Көньяктан секундына 5-10 метр, урыны белән секундына 14 метр тизлек белән исә. Юлларда көчле бозлавык булуы фаразлана.

Исегезгә төшерәбез, Татарстан ГАИ хезмәткәрләре 8 ноябрьдә машина йөртүчеләрне "тимер ат"ларының тәгәрмәчен кышкыга алмаштырырга чакырдылар.