Кызын «коткару өчен» акча бирде

Чаллыда яшәүче 80 яшьлек пенсионерга: «Кызың авариягә эләкте. Аны җинаять җаваплылыгыннан коткару өчен акча кирәк», – дип шалтыратлар. Акча күбрәк булган саен яхшырак дип тә өстиләр. 
Хатын-кыз шалтараткан кешегә адресын әйтә, төн уртасында килергә куша. Курьерга 490 мең сум акчасын биреп җибәрә. 
Иртән кызына шалтыратып хәлләрен сорый. Кызының хәле яхшы: өендә рәхәтләнеп йоклаган. Шуннан соң гына пенсионер мошеннниклар кармагына элүгүен аңлый, полициягә барып гариза яза.
РФ Җинаятьләр кодексының 159нчы «Мошенниклык» маддәсе буенча җинаять эше кузгатылды.