Мошенникларга 677 мең сум акча күчергән
50дән артык «перевод» ясаган.
Чаллыда яшәүче 40 яшьлек ир-ат инвестиция биржасында күп акча эшлим дип ышанып, мошенниклар корбаны булган.
Ир-ат рәсми төстә беркая да эшләмәгән. Телефонда уеннар уйнаганда отышлы инвестицияләр турында сылтама тапкан һәм шунда кергән.
Таныш булмаган ир-ат аңа күп акча «эшләү» мөмкинлеген әйткән. Әмма табыш алу өчен биржа счетына акча кертергә кирәклеген әйткән. Ир-ат бер айда 50 перевод ясап 677 мең сум акча күчергән.
Счетында бик күп «процентлар» күргәч, акчасын алырга тели. Әмма «консультант» телефонын алмый, ир-ат шунда үзенең алданганын аңлый.
Полициягә мөрәҗәгать итә. РФ Җинаятьләр кодексының «Мошенниклык» маддәсе буенча җинаять эше кузгатылган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев