Мунча ташына тоз сипмәгез!

Хәзер күпләр хуш ис чыгару максатыннан, мунчада чабынганда ташка төрле эфир майлары, тоз сибәләр. Әмма белгечләр моның белән мавыкмаска киңәш итә.

«Югары температура тәэсирендә тоз металл нигезгә кадәр агып төшә һәм мичегезне тишкәләп бетерәчәк. Әгәр инде тоз суларга телисез икән, аны мич башына куярлык тутыкмый торган савытка салыгыз», – ди алар. Иң мөһиме — тоз мичнең үзе белән контактта булмасын. 

Тоз куллануның иң гади һәм файдалы ысулы – ингаляция. Аны гади аш тозы белән дә ясарга мөмкин.
Моның өчен ике тәлинкә яки чынаяк алыгыз, аларның берсенә тоз салыгыз, шунда ук яраткан эфир маен яки лимон, әфлисун яки грейпфрут согын тамызыгыз. Аннары, парлы бүлмәдә утырганда, бер савыттан икенчесенә тозны бушатыгыз. Моны борынга якын китереп эшләргә кирәк.