«Нохчо» Чечен җыр һәм бию ансамбле Татарстанның 11 шәһәрендә концертлар бирәчәк

Татарстанлылар дәртле биюләрне, якты хореографик куелышларны, лирик композицияләрне һәм халык җырларын бәяли алачак. Программа «Къонаха» вокаль-хореографик куелышын, «Г1ург1езий безам» һәм «Листопад» лирик биюләрен, «Нохчийн кеп», «Нохчийчоь» һәм «Мехкан дай» биюләрен, «Горянка», «Захало» һәм «Шира дийцар» җырларын үз эченә ала.

Ансамбльнең гастроль туры 11 сентябрьдә Мамадышта башлана. 12 сентябрьдә коллектив Алабугага, икенче көнне Лениногорскига килә. Чечен Республикасы ансамблен 14 сентябрьдә Яр Чаллы халкы, ә 15ендә Әлмәт халкы бәяли алачак. Тур Яшел Үзәндә - 16 сентябрьдә, Арчада - 17 сентябрьдә, Нурлат районында - 18 сентябрьдә, Чистайда - 19 сентябрьдә дәвам итә. Татарстан башкаласында коллектив 20сендә булачак, ә 21 сентябрьдә Бөгелмәдә үз турын инде тәмамлый.

Коллективның гастрольләре «Без - Россия» федераль программасы кысаларында РФ Мәдәният министрлыгының бөтенроссия гастроль-концерт планы нигезендә оештырылды.