Нур» яшьләр үзәгендә «КАМАЗ» футболчылары белән иҗади очрашу узачак

18 декабрь көнне 18: 00сәгатьтә «Нур» яшьләр үзәгендә футбол темасына «ачык диалог» узачак. «Кунаклар» социаль-белем бирү проекты спикерлары - «КАМАЗ» ФК генераль директоры Айнур Миңнеханов, маркетинг бүлеге җитәкчесе Артем Закиров, Фидаил Ганиев. Кунаклар профессиональ футбол, клубның бурычлары, перспективалары турында сөйләячәкләр һәм аудиториянең сорауларына җавап бирәчәкләр, киләчәккә планнары белән уртаклашачаклар. Шулай ук тамашачыларның футболчылар белән дә аралашу мөмкинлеге булачак.