Чаллыда өстәмә акча кая китә?

2023 ел бюджетына өстәмә керемнәр хисабына киләсе елда транспорт реформасын дәвам итәргә уйлыйлар. Бу хакта шәһәр Советы сессиясендә шәһәр мэры Наил Мәһдиев хәбәр итте. 

"2023 ел нәтиҗәләре буенча, бюджетка өстәмә керемнәр булыр дип ышанабыз. Без ул акчага транспорт хезмәте күрсәтүне яхшыртырга җыенабыз. Зур автобусларга күчәргә кирәк. Мәктәпләрне, балалар бакчаларын, Сара Садыйкова исемендәге концерт залын, "Камаз" мәдәният сараен капиталь ремонтларга кирәк", - диде ул.

Мэр салымнар җыюны яхшыртырга кушты.