Пенсия яшендәгеләргә индивидуаль эш графигы

Татарстан буенча Роспотребнадзор идарәсе эш бирүчеләргә 65 яшьтән өлкәнрәк хезмәткәрләрне дистанцион эш режимына күчерергә тәкъдим итә. Бу хакта «Татар-информ» мәгълүмат агентлыгында узган матбугат конференциясендә ведомство җитәкчесе урынбасары Любовь Авдонина хәбәр итте.

"65 яшьтән өлкәнрәкләр өчен дистанцион эш режимы яки индивидуаль график буенча эш каралырга тиеш», - дип билгеләп үтте спикер.
Шул ук вакытта Любовь Авдонина Татарстан Республикасы Министрлар Кабинетының 208 нче карары өлкән яшьтәге кешеләргә үз-үзеңне изоляцияләүгә китәргә тәкъдим итә, дип искә төшерде.