Рәис Шаһи вафат

Татар җәмәгатьчелеге югалту кичерә. Татар матбугатын кроссворд, сканвордлары белән тәэмин итеп торган хезмәттәшебез Рәис Шаһи вафат булды.

Ул 1954 елның 5 июлендә Мамадыш районының Югары Кыерлы авылында туа. 1971 елда Чиләбе өлкәсе Миньяр шәһәренең Метиз-металлургия заводында эшли. 

Хәрби хезмәттә булып кайткач, Чаллы шәһәр төзелеш идарәсендә, «Шәһри Чаллы» («Чулман-Идел») газетасында, «Аргамак», «Мәйдан» журналларында эшли,  «КАМАЗ» газета-китап нәшриятында төрле вазыйфалар башкара.

2 ел элек йөрәгенә кардиостимулятор куялар.  Рәхимсез авыру аны арабыздан алып китте.

Ул гомеренең соңгы көннәренә кадәр Чаллыда яши. Бүген аны мәңгелек йортына, туган авылына озаттылар.