Ришат Төхвәтуллинның зур сөенче бар

Татар -башкорт эстрадасының моңлы җырчысы, Татарстанның халык артисты (узган елның декабрендә алган иде)  Ришат Төхвәтуллин тормышында булган сөенечле вакыйга белән уртаклашты. 

Бүген Башкортостан башлыгы Радий Хәбиров аны тантаналы шартларда «Башкортостанның халык артисты» дигән Мактаулы исем белән бүләкләде.

«Хөрмәтле тамашачыларым сезгә бик зур рәхмәт. Сез моны теләдегез, сез мине иҗатка дәртләндердегез. Хезмәтемне югары бәялгән өчен Башкортостан башлыгына, хөкүмәтенә рәхмәт. Шулай ук әти-әниемә, укытучыларга, Аллаһы Тәгаләгә рәхмәтем чиксез», – ди бәхетле җырчы.