Рөстәм Миңнеханов республика Дәүләт Советы каршында Татарстан үсешенең өстенлекле юнәлешләрен билгеләячәк.

Татарстан Президенты Юлламасы республикага бер елга алга кирәкле үсеш темпын билгеләргә ярдәм итә. Бу фикерне «Татар-информ»корреспондентына ТР Премьер-министры урынбасары Ләйлә Фазлеева Рөстәм Миңнехановның мөрәҗәгате алдыннан белдерде.

"Юллама, чыннан да, темп бирә. Ул икътисад, сәнәгать, сәясәт һәм башка өлкәләр буенча аналитик мәгълүматларга нигезләнә. Нәкъ менә шуннан чыгып, республиканың үсеш юнәлешләре билгеләнә", - диде Фазлыева. Ул билгеләп үткәнчә, республиканың социаль сәясәтенә багышланган юлламаның бер өлешенә аерым игътибар биреләчәк.

Исегезгә төшерәбез, бүген Дәүләт Советына юлламасында Рөстәм Миңнеханов Татарстанның киләчәк үсеше курсын билгеләде, аны һәркем онлайн карый ала.