Шәһәр шугалаклары

Исегезгә төшерәбез, конкурста катнашу өчен «Подросток» яшьләр-яшүсмерләр клублары үзәге директоры урынбасары Альберт Гыйльманов гариза биргән иде. Ул 1988 елда төзелгән «Юность» хоккей тартмасын реконструкцияләү турында сорады. Бүген мәйданчыкта 80нән артык яшүсмер һәм яшьләр шөгыльләнә, алар А.В. Тарасов исемендәге «Алтын шайба» клубы призына узган спорт ярышларының шәһәр этапларында җиңүчеләр һәм призерлары булып торалар.

Шуны билгеләп үтәргә кирәк, "Үз шугалагың өчен тавыш бир!» проекты алтынчы ел эшли. Бу вакыт эчендә Омск, Селенгинск, Великие Лука, Кандалакш, Ярославль, Самара, Новосибирск һәм башка торак пунктларда 18 боз мәйданчыгы икенче сулыш алды. Шугалакны ачу датасы һәм нечкәлекләре турында өстәмә хәбәр ителәчәк.

Ә шәһәрдәге шугалакларга килгәндә исә, Чаллыда барысы  дүрт массалы шуу урыны бар. Моннан тыш, шәһәрдә микрорайоннарда 30 хоккей корты һәм гомуми белем бирү мәктәпләрендә 30га якын кече шугалак эшли. "Ел саен тауда, шугалакта һәм чаңгы трассаларында үзләренең ялларын, гыйнвар бәйрәмнәрен актив үткәрергә теләүчеләр саны арта бара", – дип билгеләп үтте физик культура һәм спорт идарәсе башлыгы Роман Насретдинов.

Массакүләм шуу урыннарында тимераякларны прокатка алу да эшләячәк. "Медео"га 500 пар тимераяк, шәһәр Ипподромында 300 пар, Азатлык мәйданында - 200 пар һәм Яр буе паркы мәйданында 100 пар тимераяк әзерләнгән.
Һәр прокатка җылы киенү бүлмәләре урнаштырылган, керү урынында санитария-эпидемиология таләпләре үтәләчәк.
Таләпләргә туры китереп, бер кешегә 4 кв. метр булуы зарур.