Шәһәрне 2659 камера күзәтә

Узган ел белән чагыштырганда шәһәрдә җинаятьчелек 17%ка кимегән. “Куркынычсыз шәһәр” системасы безгә нык ярдәм итә. Тик сервер җиһазлары тотрыклы эшләми. Анда камерадан видеоязмалар гына җыела. Җәмәгать урыннарына өстәмә видеокамералар куярга кирәк. Бүгенге көндә Ф.Табеев исемендәге яр буена видеокамера кую буенча эш алып барыла”, - диде шәһәр Эчке эшләр идарәсе башлыгы урынбасары Михаил Чекмарев хакимияттә узган киңәшмәдә.

- Балалар каникулда, ата-аналар җәйге ялда. Һава торышы ял итәр өчен уңайлы. Парк, скверларда кеше күп. Хокук саклау органнарының эше кимеми. “Куркынычсыз шәһәр” системасы үзенең бурычларын үти, шуңа күрә югарыда саналган кимчелекләрне бетерергә, өстәмә камералар кую эшен дәвам итәргә кирәк. Шәһәр бюджетында бу эшләр өчен финананслар каралган, - диде шәһәр мэры Наил Мәһдиев. Ул башкарма комитет җитәкчесенең беренче урынбасары Илья Зуевка бу мәсьәләне ике атна эчендә хәл итәргә кушты.