Таеп китеп юл билгесенә бәрелгән

Һава торышының үзгәрүе, юллардагы бозлавык соңгы көннәрдә юл-транспорт һәлакәтләрен арттырды. Тукай районы дәүләт автоинспекциясе хезмәткәрләре кичә тагын бер шундый очракны теркәде. Яр Чаллы – Зәй – Әлмәт трассасының 9нчы километрында «Рено Логан» машинасы йөртүчесе, идарә итүне югалтып, кырыйдагы юл билгесенә бәрелә. Бикләндә яшәүче 39 яшьлек ир-атның үзенә урында медицина ярдәме күрсәтелә. Автомобиле шактый зыян ала.

Фото һәм видео Тукай районы дәүләт автоинспекциясеннән