Тантаналы төстә паспорт тапшырылды

Чаллы ЗАГСында 14 яше тулган шәһәрдәшләргә тантаналы төстә паспортлар тапшырылды. Яшьләрне бу уңайдан ЗАГС идарәсе башлыгы Равилә Зарипова котлады. "Паспорт - шәхесне раслаучы документ. "Гражданин" дигән исемне горур йөртегез! Сезнең алда мең төрле яңа юллар барлыкка килә. Алар арасыннан иң яхшысын сайлап, алга барыгыз", - диде ул.

"Бердәм Россия" партиясенең җирле бүлеге белгече Альбина Ульданова белән паспорт -виза хезмәте ветераны Зинаида Фомина да егет-кызларга илебезнең горурланырлык гражданнары булып үсүләрен теләделәр. Яшьләргә Россия Конституциясе бүләк ителде.