Танышу ярты миллион сумга төшкән

Чаллы полициясе бүлегенә 36 яшьлек хатын-кыз мөрәҗәгать иткән.

 Узган елның декабрендә фирмада менеджер булып эшләүче хатын-кыз танышу сайтында бер ир-ат белән языша башлаган. Язышу барышында кавалер биржадагы уңышлы инвестицияләре турында сөйли. Хатын-кызны әлеге тема кызыксындыра,  һәм  ул күрсәтелгән счетка беренче сумманы - 290 мең сум акчасын күчерә. Аннары 200 мең сум кредит алып шул счетка тагын акча сала.  

Тиздән сайтта  кертем акча китерә башлады дигән мәгълүматлар барлыкка килә. Әмма хатын-кыз ул акчаларны чыгара алмый, егет элемтәгә чыкмый башлый.Зыян күрүче гаризасы буенча мошенниклык очрагы буенча  җинаять эше кузгатылды.  

Полиция гражданнарны уяу булырга һәм шикле финанс операцияләрендә катнашмаска кирәклеге турында кисәтә.