Тәртип өчен билге аттестатка йогынты ясыймы?

Кайбер мәктәпләрдә 2-8 сыйныф укучылары өчен пилот режимында кертелгән тәртип өчен билге агымдагы өлгерешкә,  аттестация һәм йомгаклау аттестациясенә йогынты ясамаячак.
Россия мәгърифәт министры Сергей Кравцов «ТАСС»  хәбәрчесенә шул  хакта белдергән. Министр әйтүенчә, балаларның тәртибе укуларыннан аерым бәяләнәчәк.

Тәртип өчен куелган билге өлгереш өчен агымдагы билгеләрдә, аттестациядә, шулай ук укучының аттестатында чагылыш тапмаячак.  Укучыларның тәртибен бәяләү өчен конкрет критерийләр булдырылган. Алар арасында – мәктәп кагыйдәләрен үтәү, балаларның яшьтәшләре һәм олылар белән аралашу нормалары, шулай ук тәртипнең хокукка каршы килмәве.

Татарстанда «Яшьләр һәм балалар»  илкүләм  проекты гамәлгә ашырыла.
 
 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).