Татарстан юлларында 85 кеше һәлак булды

2026 ел башыннан алып Татарстан юлларында 717 юл-транспорт һәлакәте булды. Анда 85 кешенең гомере өзелде. 
Бу хакта  ТР буенча Эчке эшләр министрлыгының Дәүләт автоинспекциясе идарәсе башлыгы вазифаларын вакытлыча башкаручы Айрат Сәмигуллин  хәбәр итте. 
«717 юл-транспорт һәлакәтендә 85 вафат булды. 867 кеше төрле җәрәхәтләре алды», –  диде ул.
Узган елның шул чоры белән чагыштырганда республикада  юл-транспорт һәлакәтләре саны 16га кимегән. Әмма вафат булучылар саны 23кә арткан.