Татарстан лизингка авыл хуҗалыгы техникасы паркын яңарту буенча Россиядә лидер дип танылды

Татарстан авыл хуҗалыгы техникасы паркын яңарту буенча Россия төбәкләре арасында лидер дип танылды. Узган ел ташламалы лизинг буенча иң күп машиналар кече һәм урта авыл хуҗалыгы предприятиеләре сатып алынган, дип хәбәр итә Татарстан Республикасы Авыл хуҗалыгы һәм азык-төлек министрлыгының Матбугат хезмәте. 

«Бер ел эчендә бик зур үсеш булды. 2019 елда Росагролизингның төбәк рейтингында Татарстан инвестиция чыгымнары суммасы һәм сатып алынган техника саны буенча нибары 10 нчы урынны били, - дип билгеләп үттеләр министрлыкта. - Иң күп техника, 911 берәмлек, кече һәм урта хуҗалык рәвешләренә куелган".

Узган елда Росагролизингның республика агросәнәгать комплексына инвестиция чыгымнарының гомуми суммасы 4,1 млрд. сум тәшкил иткән. Татарстанга 1058 яңа авыл хуҗалыгы машинасы, шул исәптән 116 комбайн һәм 197 трактор килде.

Татарстан авыл хуҗалыгы һәм азык-төлек министры Марат Җәббаров ассызыклаганча, быел республика лизинг буенча авыл хуҗалыгы техникасы паркын яңарту күләмен арттырырга планлаштыра.