Түбәләрдән карны чистартуны контрольдә тоталар

Прокуратура тикшерү нәтиҗәләре нигезендә, кышын күпфатирлы йорт яннарын тәртиптә тоту буенча 16 идарә итүче оешмага хокук бозуларны бетерү турында 31 кисәтү ясалган. Ишегалларын тәртиптә тоту кагыйдәләрен тиешенчә үтәмәгән өчен 7 административ материал төзелгән. 3 карар буенча гаеплеләр җавапка тартылган. Ике вазыйфаи затка 25 мең сум, берсенә 50 мең сум күләмендә штраф салынган.

2025 елның декабреннән алып бүгенге көнгә кадәр башкарма комитет каршындагы торак комиссиясе кышкы чорда шәһәрне төзекләндерү кагыйдәләрен үтәмәгән өчен 43 карар чыгарылган.

Яр Чаллы торак инспекциясе 6 беркетмә төзегән, шуларның бишесе идарә итүче оешмаларда эшләүчеләргә карата, берсе юридик затка карата төзелгән. 15 кисәтү ясалган.