Умартачылар юкә утырта

Республика умартачылары бу көздән районнарда агач утырту акцияләренә кушыла. «Умартачылык. Киләчәк стратегиясе» проекты кысаларында көзен һәм язын 43 мең төп юкә утыртылачак. ТР Авыл хуҗалыгы һәм азык-төлек министрлыгы тәкъдиме белән үсентеләрне ТР Урман хуҗалыгы министрлыгы бирәчәк.

ТР Авыл хуҗалыгы һәм азык- төлек министры Азат Җәббаров хатында болай диелә: «Татарстан Россиядә бал җитештерүдә әйдәп баручы республика. Ел саен умартачылар 5,5 мең тонна бал җитештерә. Сортларга килгәндә юкә балы иң сыйфатлы булып санала. Аңа чит илләрдә дә ихтыяҗ зур. Бал җыю базасын киңәйтү максатыннан юкә мәйданнарын киңәйтү зарур». Ике яклы хезмәттәшлек нигезендә җирле урман хуҗалыклары умартачыларны үсентеләр белән тәэмин итә. Киләсе язда һәрбер районда умартачылар аллеяләре барлыкка киләчәк.