Хаҗ кылган өчен мөселманнарга иң зур бүләк нәрсә?

РИА Новостига Халыкара эшләр һәм хаҗ буенча РФ мөселманнары Диния нәзарәте рәисе урынбасары мөфти Рушан Аббясов: «Җәннәткә эләгү – мөселманнарга хаҗ кылганы өчен бүләк», – дип хәбәр итте.

2026 елда хаҗ 25 һәм 26 майда узачак.

«Кабул ителгән хаҗның, билгеле булганча, җәннәттән башка бүләге юк», - диде мөфти.
Һәр мөселман гомерендә бер тапкыр булса да Мәккәгә хаҗ кылырга тиеш. Ул ел саен исламның төп бәйрәмнәренең берсе – Корбан бәйрәме (гарәпчә – Ид Әл–Әдха) алдыннан уза. 2026 елда Корбан бәйрәме 26 майда кояш баегач башлана.