Хәния Фәрхинең сеңелесеннән – сөләйман балыгы

Апам Хәния Фәрхи дә балык ярата иде. Туганнарым, әти-әнием дә – барыбыз да балык яратабыз. Апам кайтканда гел балык әзерләп тора идек. Ул үзе дә балыкның төрлесен алып кайта иде. Хәзер да балыктан өзелгәнебез юк. Яңа ел табынына да балык ризыклары әзерлибез. Кызыл балыкларны аеруча яратабыз. 

Сөләйман балыгын түбәндәгечә әзерлим:

Башта суганны кызыл төскә кергәнче кыздырасың, аннары өстенә помидор, тоз,борыч салып тагын кыздырасың. Сөләйман балыгы кисәкләрен тоз, борыч, он катнашмасында әвәләп, ике яклап тиз генә кыздырып алабыз. 
Аннары аның өстенә лимон согы, сливкидан торган соус салабыз. 
Гарнирга кем нәрсә тели шуны пешерә, без бәрәңге пюресы яратабыз. Шуларны бер тәлинкәгә матур итеп салып, кунакларны сыйлыйбыз. Бик тәмле була.