Яр Чаллы мэры барлык парк һәм скверларны тәртипкә китерергә кушты

Кичә Чаллы мэры Наил Мәһдиев җәмәгать киңлекләренең барлык объектларын тәртипкә китерергә күрсәтмә бирде. Бу хакта ул журналистлардан башка узган шәһәрнең иске өлешендәге парклар һәм скверларны урап узу кысаларында хәбәр итте.
Үз Инстаграмында мәгълүмат сәясәте идарәсе җитәкчесе Римма Мөхәммәтҗанова хәбәр иткәнчә, беренче нокта ЗЯБ бистәсендә Бибишев исемендәге парк булды. Анда мэр паркның барлык локацияләре буенча йөреп чыкты. Урнаны тышкы яктан чистартырга, территорияне тәмәке төпчекләреннән чистартырга, агачларны һәм куакларны тәртипкә китерергә, чәчәкләр утыртырга һәм барлык граффитиларны сакларга күрсәтмә бирелде.

Тукай яр буенда эсседән саргайган газоннарга аерым игътибар бирелде, - кыска вакыт эчендә автоматлаштырылган су системасы проектын эшләргә һәм тәкъдим итәргә кирәк дип әйтелде.

Шулай ук мэр сәламәтлекләре чикле кешеләр өчен бәдрәф ачарга кушты. Исегезгә төшерәбез, мэр 10 елдан артык параличланган әтисен караган һәм сәламәтлекләре чикле булганнар хәлен ишетеп кенә белми, үз өстендә татыган кеше. 

Яр буеннан күзәтү мәйданчыгына кадәр юлны мэр төзекләндерергә тәкъдим итте. Хәзер анда кешеләр сукмакны таптап үткәннәр, әмма төзекләндерелгән сукмак кирәк икәнлеге ассызыкланды.  Җәяүлеләр өчен күперне буярга кирәк дип әйтелде.

Фото: http://nabchelny.ru/