Әнвәр Нургалиев хастаханәгә эләккән

Татарстанның атказанган, Башкортостанның халык артисты, популяр җырчы Әнвәр Нургалиев тормышында күңелсез хәл килеп чыккан.

Җырчы бу хакта ашыгыч ярдәм машинасында барганда хәбәр итте. 

«Дуслар, мине хастаханәгә салалар, дөресен генә әйткәндә, әлегә үзем дә шокта. Тик борчылмагыз, барсы да яхшы булачак. Мәгълүмат белән соңрак бүлешермен», – дип язды ул социаль челтәрдәге сәхифәсендә. 

Кичә җырчы йөрәгенә тикшерү өчен куелган холтер белән җырларга туры килүе турында да әйткән иде.