Габидулла Хөрмәтуллин автостоянкасын сата

Бушлай белдерүләр сайтында «Хөрмәт» автостоянкасын сату турында игълан чыккан иде. Сүз «Яшьлек» проспектындагы машина кую урыны турында бара. 
1 гектар җирнең бәясе 200 млн сум. Аны милек хуаҗсыннан турыдан-туры сатып алып була.
Автостоняка хуҗасы –  Татарстанның атказанган артисты Габидулла Хөрмәтуллин. Аңардан  ни өчен машина кую урынын сатуы турында кызыксындым.
– Стоянка эшли. Мин аның бер өлешен генә сатмакчы булам. Чөнки 2 гектар мәйдандагы машина кую урынын тәртиптә тоту кыенлаша башлады. Кыш көне кар көрәргә кирәк. Шуңа күрә «Хөрмәт»нең бер өлешен сатып, шунда берәр объект төзергә планлаштырам, – диде яраткан җырчыбыз.
Бер уңайдан  хәлләре турында да сораштым. 
Габидулла абый Чаллыда төзелгән яңа тернәкләнедрү үзәгендә сәламәтлеген ныгыта.