Илсөя вакцина ясатты

Аның бу гамәлен хуплаучылар да, сүгүчеләр дә булды. «20 елдан артык табиб булып эшләүче якын кешем: “Илсөя вакцинаны ясатырга кирәк, куркыныч бит», – дип ялварып сорады. Минем төркемдә дә кешеләр күп, араларында олы яшьтәгеләр дә бар. Беркемне дә үгетләмим. Һәркемнең шәхсән үз эше. Мин, концерт директорым һәм төркемем прививка ясатачакбыз», – ди Илсөя Бәдретдинова
Барысы да яхшы. Прививка ясаткан көнне кичтән хәл бетеп алды. Гомер булмаганны кичке сәгать 11дә ятып йокладым. Иртән бар да яхшы иде. Кул бәрелгән кебек кенә авыртты. Температурам юк. Акыллы комментарий язучыларга әйтәм: беркем дә миңа акча түләмәде, беркем дә мине сатып алмады. Бу реклама түгел. Мин үз теләгем белән ясаттым. Ясатасыгыз килмәсә, ихтыярыгыз – ясатмагыз, –  диде  ул тамашачыларга.