Рифат Зарипов авыр хәлдә калган

– Истанбулга ялга барганда булды бу хәл. Самолетка утырдык, киттек. Ашарга бирә башладылар.  Десертка кечкенә шоколад . Мин аны соңрак чәй эчәрмен дип утыргычка куйдым. Һәм оныттым, Истанбулга чаклы йокладым. Самолет җиргә төшкәндә барысыннан да каешларны эләктерергә сорадылар, һәм мин артка нәрсәдер ябышканын аңладым. Карасам, теге шоколад эрегән. Ак футболка һәм ак чалбардан идем. Чалбарым нык буялган. Диләрәдән салфетка сорадым. Барысы да урыннарыннан тора, әйберләрен җыя, ә мин салфеткалар белән артымны сөртәм. Кешеләр миңа сәерсенеп карый, ә миңа шундый оят. Самолеттан хатынның яулыклары белән капланып чыктым, аэропортта чалбарны салып, шорты кидем. Әле ярый шортыны үзем белән алганмын, – ди ул. 

Аның әйтүенчә, бу аның тормышындагы иң уңайсыз  хәл булган.