Ришат Төхфәтуллин гастрольдә гадәттән тыш хәлгә очраган

Татарстанның халык артисты Ришат Төхфәтуллин "Казань Арена" һәм "Уфа Арена"да зур концертлар куйганнан соң, гастрольләрен Башкоростанда дәвам итә.

Туймазыдагы беренче концерты алдыннан гадәттән тыш хәл килеп чыккан. Артистның сәхнә җиһазларын төягән машинасының "потрубок" шлангсы салкын аркасында шартлаган. Шуңа күрә концерт бер сәгатькә соңрак башланган. 

"Концертны башлау нык авыр булды. Кайбер тамашачылар бер сәгать соңарып башлаганга зарланалар... Тормышта төрле хәлләр була. Иң мөһиме: барыбыз да исән-сау. Без концертны тиешле дәрәҗәдә куйдык. Тамашачыларыбыз чыгышларыбызны җылы кабул итте. Безне аңлаганыгыз өчен рәхмәт", - ди җырчы үзенең социаль челтәрләрендә.