Руслан Кираметдинов кем белән?...

Популяр җырчы Руслан Кираметдинов октябрь аенда Мәскәүдә үзенең беренче зур концертын куя. Шушы көннәрдә ул концертта катнашучы махсус кунакның исемен әйтте. 

Ул – халык мәхәббәтен яулаган җырчы, Татарстанның атказанган артисты Әлфинә Әзгәмова. 

«Әлфинә апа үзебезнең Чаллы җырчысы. Без аны Чаллыдагы, Казандагы концертларыбызга чакырган идек. Аны барлык шәһәрләрдә, кайда гына чыгыш ясаса да яраталар. Аның популярлыгы кимеми. Аннары аның белән эшләргә дә рәхәт», – ди җырчының концерт директоры Айдар Сәфәргалин. 

«Шәһри Чаллы» редакциясенең турыдын-туры эфирында Әлфинә ханым үзе дә: «Мәскәү тамашачысы мине аеруча ярата», – дигән иде. 

Фото Руслан Кираметдиновтан алынды.